अभूतपूर्व प्रतिसाद आणि नेत्रदीपक खेळाने क्रीडा रसिक भारावले

NewsZenn Apr 24, 2023 1212 0

महाराष्ट्राचे युवा नेतृत्व पार्थदादा पवार यांच्या वाढदिवसानिमित्त बाणेर - बालेवाडी - सुस - महाळुंगे राष्ट्रवादी काँग्रेस पक्षाच्या वतीने (बीबीएसएम) क्रिकेट क्रिकेट लीगचे आयोजन करण्यात आले होते.

सोसायटीतील रहिवाशांचे संबंध दृढ व्हावेत, या हेतूने सूस येथे आयोजित करण्यात आलेल्या (बीबीएसएम) क्रिकेट लीग या आंतरसोसायटी स्पर्धेला रहिवाशांनी चांगला प्रतिसाद दिला.

मागील वर्षी सुरू झालेल्या या स्पर्धेत यंदा ९० सोसायट्यांनी सहभाग नोंदवला. पार्थ पवार यांच्या वाढदिवसानिमित्त १२ एप्रिलपासून सुरू झालेल्या या स्पर्धेत दहा दिवस महिला व पुरुष गटात लढती झाल्या.

पुरुष गटात झालेल्या अंतिम सामन्यात बालेवाडी येथील एफ रेसिडेन्सी या सोसायटीच्या संघाने उत्तम कामगिरी करत यंदाचा 'बीबीएसएम' क्रिकेट चषक आणि ७५,००० रुपये रोख रक्कम पटकावले, तर आश्विन आनंद या सोसायटीने उपविजेतेपदाचा चषक आणि ५५,००० रुपये रोख रक्कम जिंकली. कुल इकोलोक आणि राहुल आर्कस या सोसायटीच्या संघाने अनुक्रमे तृतीय आणि चतुर्थ क्रमांकाचे बक्षीस पटकावले.

महिला गटात आश्विन आनंद या सोसायटीच्या संघाने चांगली कामगिरी करत यंदाच्या 'बीबीएसएम' क्रिकेट चषकावर नाव कोरले, तर सुवर्ण विलास सोसायटीने उपविजेतेपदाचा चषक पटकावली. कुमार शांतिनिकेतन आणि एसेंसिया हाईट्स सोसायटीच्या संघाने अनुक्रमे तृतीय आणि चतुर्थ क्रमांकासह रोख रकमेचे बक्षीस पटकावले.

सारथी सेवेनियर सोसायटी चे माजी चेअरमन कै प्रदीपदादा पाडळे यांच्या स्मरणार्थक पुणे महानगरपालिका स्थायी समितीचे माजी अध्यक्ष बाबुराव चांदेरे यांनी प्रथम क्रमांक पटकविणाऱ्या विजेत्याला समान्न चिन्ह दिले.

क्रिकेट लीगचे आयोजन माजी नगरसेवक बाबूराव चांदेरे यांच्या मार्गदर्शनाखाली राहुल बालवडकर, सागर बालवडकर, नितीन कळमकर, पूनम विधाते, समीर चांदेरे यांनी केले होते.

Click Here To See More