महाराष्ट्रात १६ ठिकाणी मॉक ड्रिल; नागरिकांनी घाबरून न जाता सहकार्य करण्याचे आवाहन

NewsZenn May 6, 2025 536 0

मुंबई : प्रतिनिधी: महाराष्ट्रातील १६ ठिकाणी मोठ्या प्रमाणावर मॉक ड्रिल राबवण्यात येणार आहे. संभाव्य दहशतवादी हल्ला किंवा युद्धजन्य परिस्थितीत नागरिकांची, प्रशासनाची आणि सुरक्षा यंत्रणांची तयारी तपासण्यासाठी या मॉक ड्रिलचे आयोजन करण्यात आले आहे.या मॉक ड्रिलमध्ये सायरन वाजवून नागरिकांना अलर्ट केले जाईल. नागरिकांना त्यांच्या ऑफिसमधून, घरातून, बंकर किंवा सेफ हाऊसमध्ये हलवले जाऊ शकते. रस्त्यावर पोलीस, होमगार्ड्स, सिव्हिल डिफेन्स, आर्मीचे जवान तैनात दिसतील.

प्रशासनाने नागरिकांना घाबरून न जाता अधिकाऱ्यांच्या सूचना पाळण्याचे आवाहन केले आहे. या काळात घाबरून न जाता शांत राहणे, अफवा पसरवू नये आणि मदतकार्याला सहकार्य करणे महत्त्वाचे आहे.

मॉक ड्रिल होणारी प्रमुख ठिकाणे :
मुंबई, ठाणे, पुणे, नाशिक, पिंपरी-चिंचवड, छत्रपती संभाजीनगर, भुसावळ, रायगड, रत्नागिरी, सिंधुदुर्ग, थळ-वाईशेत, मनमाड, रोहा-नागोठणे, सिन्नर, उरण, तारापुर.

हे मॉक ड्रिल नागरिकांसाठी सुरक्षितता प्रशिक्षण आणि आपत्ती व्यवस्थापनाची तयारी म्हणून महत्त्वाचे आहे, असे अधिकाऱ्यांनी सांगितले.