फेस सिरमचे फायदे

NewsZenn Dec 26, 2022 3483 0

सूर्यप्रकाश, धूळ, प्रदूषण, असमतोल आहार आणि धावपळीची जीवनशैली याचा परिणाम आपल्या आरोग्यावरच नाही तर त्वचेवरही दिसून येतो.

सूर्यप्रकाशाच्या जास्त संपर्कामुळे त्वचा केवळ काळवंडत नाही तर वृद्ध दिसायला लागते. तारुण्यपीटिका, सुरकुत्यांसोबतच काळी वर्तुळे यासारखे सौंदर्यशत्रू चेहऱयावर दिसू लागतात. या सर्व समस्यांवर एक उपाय म्हणजे फेस सिरमचा वापर.

फेस सिरम म्हणजे काय?
फेस सिरम हे एक सूत्र आहे ज्यात सक्रिय घटकांची उच्च मात्रा असते. सिरममध्ये क्लिंझर किंवा मॉइश्चरायझर एवढे घटक नसतात. तर त्यात अधिक शक्तिशाली घटक असतात जे त्वचेच्या आत खोलवर जाऊन काम करतात.

फेस सिरम तुमच्या त्वचेला खोलवर पोषण देतात. मॉइश्चरायझर्सप्रमाणे सीरम त्वचेच्या पृष्ठभागावर न राहता त्यात शोषले जाते. सिरम विशेषतः मुरुमं, कोरडी त्वचा, निस्तेजपणा आणि सुरकुत्यांवर काम करतात.
जर तुम्ही सिरमचा वापर पहिल्यांदा करत असाल, तर सुरुवातीचा अनुभव त्रासदायक असू शकतो. स्किनकेअर उत्पादनाच्यी वापराविषयी जर तुम्ही अपरिचित असाल तर काळजी करू नका. योग्यरीत्या अशी उत्पादनं वापरल्यास नैसर्गिक तेज आणि सौंदर्य वाढवण्याचा ते एक उत्तम मार्ग बनू शकतात. स्किनकेअर रूटीनमध्ये फेस सिरमचा समावेश प्रभावीपणे कसा करायचा याबद्दल मुलुंड येथील यवाना अॅस्थेटिक क्लिनिकच्या तज्ञ डॉ. माधुरी अगरवाल यांच्याशी बातचीत केली.

अँटी-एजिंग सिरम
अँटी-एजिंग सिरम बारीक रेषा आणि सुरकुत्या कमी करण्यास मदत करू शकतात. यामध्ये सहसा रेटिनॉल (व्हिटॅमिन ए) आणि नियासिनमाइड (व्हिटॅमिन बी-3) यासारखे घटक असतात. जे फ्री रॅडिकल्स आणि इतर बाह्य प्रदूषकांपासून त्वचेचं संरक्षण करतात.
एकदा वयाची तिशी पार केल्यानंतर, त्वचेमधले कोलेजनचे उत्पादन दरवर्षी एक टक्क्याने कमी होत जाते हे लक्षात घेणं महत्त्वाचं आहे. रेटिनॉलसह सिरमचा फॉर्म्युला निवडल्यास त्वचेतल्या पेशींना चालना मिळण्यास मदत होते. दरम्यान, नियासिनमाइड (व्हिटॅमिन बी-3) हा महत्त्वाचा घटक आहे..

ब्राइटनिंग सिरम
ब्राइटनिंग सिरम हे हायपरपिग्मेंटेशनसाठी आहे. त्वचा तेजस्वी करण्यासाठी प्रभावशाली मानलं जातं. या सीरममध्ये एस्कॉर्बिक ऑसिड (व्हिटॅमिन सी) असते. हे एक अँटिऑक्सिडेंट आहे जे मेलेनिनच्या उत्पादन करणाऱया एन्झाइमला प्रतिबंध करतो. काळे डाग आणि निस्तेज त्वचा सुधारण्यासाठी नियासीनामाइड हा आणखी एक घटक आहे. या व्यतिरिक्त, नियासिनमाइड त्वचेला उजळ करतो आणि तेजस्वी त्वचा मिळण्यास मदत होते.

हायड्रेटिंग सिरम
हायड्रेटिंग सिरम तुमच्या त्वचेमधला ओलावा वाढवतात. ते नियमित मॉइश्चरायझर्ससोबत वापरले जातात. हायलुरोनिक ऑसिड हा हायड्रेटिंग सीरममध्ये आढळणारा सर्वात सामान्य घटक आहे.

एक्सपहलियाटिंग सिरम
एक्स्पहलिएशन म्हणजे दाणेदार स्क्रब वापरणे. एक्स्पहलिएशन नियमित केल्याने त्वचेच्या कोरडेपणापासून वाचू शकता व तारुण्यपिटिका रोखू शकता. मुरुमं असणाऱया त्वचेसाठी एक्स्पहलिएशन त्रासदायक ठरू शकतं. त्यासाठी रासायनिक एक्सपहलिएंट, म्हणजेच कमी दाणेदार स्क्रब निवडणे योग्य पर्याय आहे.

कधीही वापरू शकता असे सिरम्स
हायलॉरॉनिक ऑसिड सीरम दिवसा किंवा रात्री मॉइश्चर देण्यासाठी वापरले जाऊ शकते. कोणतेही उत्पादन त्वचा तज्ञांच्या सल्ल्याने वापरा.

फेस सिरमचे विविध प्रकार
त्वचेवर बारीक रेषा, काळे डाग किंवा कोरडी त्वचा अशा समस्यांशी जर तुम्ही झुंजत असील तर योग्य व नियमित सिरमच्या वापराने ह्या सगळ्या समस्येवर मात करून चांगला परिणाम साधू शकता. फेस सिरमचे विविध प्रकार असे आहेत…

दिवसा वापरायचे सिरम्स
व्हिटॅमिन सी असलेले सिरम दिवसा वापरले जातं. व्हिटॅमिन सी हे अँटिऑक्सिडंट असल्याने, ते त्वचेच्या पेशींना नुकसान करणारे तसंच इतर प्रदूषकांपासून संरक्षण देण्यास सक्षम आहे. सनस्क्रीनसोबत वापरल्यास, व्हिटॅमिन 'सी' त्वचेला बारीक रेषा आणि काळे डागापासून संरक्षण देतात.

रात्री वापरायचे सिरम्स
रेटिनॉल सीरम दिवसा उपयोगात आणले जाऊ शकतात, परंतु रात्री वापरणे जास्त फायदेशीर ठरू शकते. दररोज सनस्क्रीन आवश्यक आहे. एक्सपहलिएटिंग ऑसिड्स रात्रीदेखील वापरली पाहिजेत.

Click Here To See More