Xiaomi Mi 10i भारतात लाँच

NewsZenn Jan 5, 2021 791 0

शाओमी इंडियाने नवीन वर्षातील (2021) आपला पहिला 5जी स्मार्टफोन Mi 10i (अनबॉक्सिंग) भारतात लाँच केलाय. या वर्षी लाँच झालेला हा पहिला 5जी स्मार्टफोन आहे. Mi 10i या नावातील ‘I’ चा अर्थ इंडिया असून हा फोन भारतीयांच्या गरजेनुसार डिझाइन करण्यात आल्याचं कंपनीने म्हटलं आहे. Mi 10i मध्ये कंपनीने स्नॅपड्रॅगन 750G प्रोसेसर आणि तब्बल 108 मेगापिक्सेलचा Samsung HM2 sensor दिलाय.

Mi 10i ची किंमत :
Mi 10i च्या 6 जीबी रॅम आणि 64 जीबी स्टोरेज व्हेरिअंटची किंमत 20 हजार 999 रुपये, 6 जीबी रॅम आणि 128 जीबी स्टोरेज व्हेरिअंटची किंमत 21 हजार 999 रुपये आणि 8 जीबी रॅम व 128 जीबी स्टोरेज व्हेरिअंटची किंमत 23 हजार 999 रुपये आहे. कंपनीची वेबसाईट, एमआय स्टोअर्स आणि अॅमेझॉन इंडियाच्या वेबसाइटवरुन फोनच्या विक्रीला सात जानेवारीपासून सुरूवात होईल. पॅसिफिक सनराइज, मिडनाइट ब्लॅक आणि अटलांटिक ब्लू अशा तीन कलर्समध्ये हा फोन खरेदी करता येईल. तर, ८ जानेवारीपासून हा फोन ओपन सेलमध्ये खरेदी करता येईल. लाँचिंग ऑफरअंतर्गत जिओकडून या फोनच्या खरेदीवर 10 हजार रुपयांपर्यंतचे बेनिफिट्स मिळतील.