उपमुख्यमंत्री अजित पवार यांना कोरोना

NewsZenn Oct 26, 2020 1475 0

प्रकृतीसाठी सर्वच स्तरातून प्रार्थना
कोरोनासारख्या महामारीच्या विळख्यातून श्रीमंत असो वा गरीब, राजकारणी असो वा उद्योजक कोणीही सुटले नाही. कोरोनाच्या काळात दिवसरात्र राज्याचा कारभार सांभाळणारे, लॉकडाऊन काळातही सकाळी वेळेत मंत्रालयात हजर असणारे कर्तव्यदक्ष मंत्री, राज्याचे उपमुख्यमंत्री अजित पवार यांना कोरोनाची लागण झाली आहे. नुकतीच सोलापूर जिल्ह्यात अतिवृष्टी झालेल्या भागात त्यांनी भेट दिली, पत्रकारपरिषदही घेतली. मागील काही दिवसापासून त्यांना थकवा जाणवायला लागला. काही दिवस विलगीकरणात राहिल्यानंतर आज सकाळी त्यांना ब्रीच कँडी रुग्णालयात दाखल करण्यात आले.
प्रत्येक वेळी व्हिडीओ कॉन्फेरेंसिन्ग द्वारे लोकांशी संवाद, बैठकीत मास्क, शक्य तितके सोशल डिस्टंसिन्ग, प्रत्यके कामाला हात लावताना सॅनिटायझर चा वापर इतकी खबरदारी ते घेत होते व आपल्या सहकार्यांना देखील घ्यायला सांगत होते. एवढे करूनही ते कोरोनाच्या विळख्यात अडकले कसे, असा प्रश्न राजकीय वर्तुळात केला जात आहे. अजित पवारांना कोरोना झाल्याची माहिती कळताच ते लवकर बरे व्हावेत म्हणून सर्वच स्तरातून प्रार्थना केली जात आहे. ट्विटर, फेसबुक यांसारख्या सोशल मीडियाच्या माध्यमातून त्यांच्या प्रकृतीसाठी शुभेच्छा दिल्या जात आहेत.
राष्ट्रवादी काँग्रेस पक्षाच्या खासदार सुप्रिया सुळे @SupriyaSule यांनीही खास त्यांच्या शैलीत लवकर बरे होण्यासाठी अजित पवार यांना शुभेच्छा दिल्या.

'दादा करोना पॉझिटिव्ह असल्याने, डॉक्टरांच्या सल्ल्यानुसार ते रुग्णालयात दाखल झाले आहेत. दादा लढवय्ये आहेत. महाराष्ट्रातील जनतेचे आशीर्वाद आणि शुभेच्छा यांच्या बळावर करोना आजाराला पराभूत करून लवकरच ते सर्वांच्या सोबत येतील. दादा, लवकर बरे व्हा,' असं ट्वीट सुप्रिया सुळे यांनी केलं आहे.

पिंपरी चिंचवड चे राष्ट्रवादी काँग्रेस पक्षाचे नगरसेवक अजित गव्हाणे@ajitgavhanespeaks यांनीही सोशल मिडीयाच्या माध्यमातून अजित पवार यांची प्रकृती लवकरात लवकर सुधारावी म्हणून शुभेच्छा दिल्या. 'दादा काळजी घ्या, महाराष्ट्राला आपली गरज आहे.' या शब्दात त्यांनी आपल्या भावना व्यक्त केल्या.