भव्य गड किल्ले स्पर्धेत सहभागी व्हा आणि जिंका आकर्षक बक्षिसे

NewsZenn Nov 8, 2020 786 0

सहभागी स्पर्धकांना रायगडाची सफर

पिंपरी चिंचवड : आजच्या कार्टूनच्या जगात रमलेल्या लहान मुलांना छत्रपती शिवाजी महाराजांचा इतिहास जवळून अनुभवता आला पाहिजे. त्याचबरोबर या भव्य गड- किल्ले स्पर्धेद्वारे आजच्या पिढीला महाराष्ट्रातील किल्ल्यांबद्दल आवड व ओढ निर्माण होऊन तरुणांमध्ये किल्ले संवर्धनाची जाणीव निर्माण व्हावी त्यासाठी १२ ते १६ नोव्हेंबर २०२० पर्यंत भव्य गड- किल्ले स्पर्धेचे आयोजन करण्यात आले आहे. दिवाळीत किल्ला करण्याची मज्जा काही औरच.
लहानपणीची ही मज्जा या स्पर्धेच्या माध्यमातून परत अनुभवायला मिळणार आहे. गड किल्ल्यांचे संवर्धन, छत्रपती शिवाजी महाराजांचा इतिहास जाणून घेण्याची संधी या स्पर्धेच्या निमित्ताने मिळणार आहे. सर्व सहभागींना प्रमाणपत्र व रायगडाची सफर करता येणार आहे. या स्पर्धेत विजेत्यांना प्रथम पारितोषिक एलईडी टीव्ही, द्वितीय पारितोषिक टॅब व तृतीय पारितोषिक छत्रपती शिवाजी महाराजांची फ्रेम अशी आकर्षक बक्षिसे देण्यात येणार आहे. प्रत्येक सहभागी स्पर्धकाच्या किल्ल्याचा व्हिडीओ केला जाईल व तो व्हिडीओ बंडू शहाजी खांदवे यांच्या फेसबुक पेजवर पाहायला मिळेल. भव्य गड- किल्ले स्पर्धेत सहभागी व्हा आणि जिंका आकर्षक बक्षिसे आणि किल्ले रायगडाची सफर! अधिक माहिती व नोंदणीसाठी ८८९९११५५५५ या क्रमांकावर संपर्क साधा.