पिंपरी-चिंचवड शहरामध्ये ‘ओमायक्रॉन’चे आणखी ६ नवीन रुग्ण
NewsZenn
Jan 6, 2022
649
0
पिंपरी : कोरोनाचा नवीन विषाणू असलेल्या ‘ओमायक्रॉन’चा संसर्ग झालेले आणखी ६ नवीन रुग्ण आज पिंपरी-चिंचवड शहरात आढळले. ३ महिला ३ पुरुषांचा समावेश आहे. जपान, सिंगापूर, केनिया, युएसए, युएई येथून हे रुग्ण शहरात आले आहेत.
आफ्रिका आणि युरोपीय देशांमध्ये ओमायक्रॉन या नव्या उत्परिवर्तित विषाणूचा प्रादुर्भाव होत आहे. केंद्र व राज्य शासनाने खबरदारीच्या उपाययोजना करण्यास सूचित केले आहे. त्यानुसार महापालिकेकडून आवश्यक उपाययोजना करण्यात येत आहेत. ओमायक्रॉन या नव्या व्हेरिएंटच्या अनुषंगाने महापालिकेतर्फे तपासणी मोहीम सुरू आहे.
आज शहरात ओमायक्रॉनचे आणखी ६ नवीन रुग्ण आढळले. जपान १, सिंगापूर १, केनिया १, युएसए १ आणि युएई येथून २ रुग्ण शहरात आले आहेत. त्यांची प्रकृती स्थिर आहे. ४ जणांना रुग्णालयात दाखल केले असून दोघांना दाखल करण्याची प्रक्रिया सुरू आहे. शहरात आजपर्यंत ४० जणांना ओमायक्रॉनची लागण झाली. त्यापैकी २५ संसर्गमुक्त झाले आहेत.
Comments (0)
Facebook Comments (0)