ऐतिहासिक महत्त्व आणि सौंदर्य पाहण्यासाठी येतात की पार्टी करण्यासाठी येतात

NewsZenn Jan 4, 2022 1107 0

पुणे : पुण्याची ऐतिहासिक ओळख असणा-या शनिवारवाड्यातून ४५० दारूच्या बाटल्या आणि तब्बल २५ किलो प्लास्टिक कचरा गोळा करण्यात आला आहे. पुणे पॉलगर्स यांनी नुकतेच याठिकाणी प्लॉगिंग मोहिम राबविली त्यात हा कचरा गोळा करण्यात आला आहे.

शनिवारवाड्याला भेट देण्यासाठी येणारे लोक वास्तूचे ऐतिहासिक महत्त्व आणि सौंदर्य पाहण्यासाठी येतात की पार्टी करण्यासाठी येतात असा प्रश्न आता यामुळे उपस्थित होत आहे. पर्यावरण पूरक उपक्रम राबवित नवीन वर्षाचे स्वागत करण्याचा संकल्प पुणे प्लॉगर्सच्या वतीने करण्यात आला व शनिवार वाड्यात प्लॉगिंग मोहिम राबविली. यामध्ये जवळपास ८० स्वयंसेवकांनी सहभाग घेतला होता.

शनिवाड्यातून ४५० दारूच्या बाटल्या आणि २५ किलो प्लॅस्टिक कचरा गोळा करण्यात आला. अशाच प्रकारची मोहिम हनुमान टेकडी आणि सिंहगड किल्यावरती राबविण्यात आली तिथून देखील असाच कचरा गोळा केल्याचे माहिमेत सहभागी स्वयंसेवकांनी सांगितले.

Click Here To See More