रोगप्रतिकारशक्ती वाढवण्यासाठी नैसर्गिक औषधी वनस्पतींचे दररोज करा सेवन

NewsZenn Jan 17, 2022 827 0

हिवळ्याच्या दिवसांत थंड वातावरणामुळे सर्दी, खोकला, ताप येणे या आरोग्याच्या तक्रारी उद्भवतात. याशिवाय संसर्ग आणि अॅलर्जी होण्याचे प्रमाणही वाढते. या ऋतुमध्ये रोगप्रतिकारशक्ती खूपच कमकुवत होते.

त्यामुळे आजारांचा धोका वाढतो. सध्याच्या कोरोना, ओमायक्रॉन महामारीमुळेही आरोग्यावर परिणाम होत असल्याचे दिसत आहे. दिवसेंदिवस कोरोना आणि ओमायक्रॉनच्या वाढत्या संख्येमुळे लोकांना वेठीला धरले आहे. या दिवसांत प्रतिकारक्षमता मजबूत ठेवणे आवश्यक आहे. यामुळे अनेक विषाणूजन्य संसर्गापासून शरीराचे रक्षण व्हायला मदत होते. यावेळी 'या' नैसर्गिक औषधी वनस्पतींचा आहारात समावेश केल्यास रोगप्रतिकारशक्ती वाढायला मदत होऊ शकते.

आले
आरोग्यासाठी 'आले' खूप फायदेशीर मानले जाते. थंडीच्या मोसमात आल्याचा चहा प्यायल्याने सर्दी-खोकल्याची समस्या टाळता येते. आल्यामध्ये असणारे औषधी गुणधर्म रोगप्रतिकारशक्ती मजबूत करण्यासाठी मदत करतात.

हळद
हिवाळ्यात हळदीच्या दुधाचे सेवन आरोग्यासाठी चांगले मानले जाते. हळदीमध्ये आढळणारे गुणधर्म रोगप्रतिकारक्षमता वाढवून ती मजबूत करण्यासाठी मदत करतात. हळदीच्या दुधाच्या सेवनाने सर्दी-खोकलाही दूर होतो.

काळीमिरी
काळीमिरी हा स्वयंपाकघरातील असाच एक मसाला आहे जो औषधी गुणधर्मांनी परिपूर्ण आहे. काळ्या मिरीमध्ये आढळणारे पोषक घटक रोगप्रतिकारशक्ती मजबूत करण्यासाठी मदत करतात. यामुळे सर्दी, खोकल्यापासून आराम मिळतो.

लसूण
लसणामध्ये नैसर्गिकरित्या औषधी घटक आहेत. स्वयंपाकामध्ये लसणाचा वापर केला जातो. नियमित लसूण खाल्ल्याने रोगप्रतिकारशक्ती वाढते. लसणात असलेल्या एलिन नावाच्या विशिष्ट घटकामुळे त्याची वास आणि चव उग्र असते. सर्दी आणि फ्लूशी लढण्याकरिता आहारात लसणाचा समावेश केल्यास फायदेशीर ठरते. रोगप्रतिकारशक्ती वाढवण्याबरोबरच कर्करोगावरही लसणाचा औषध म्हणून उपयोग केला जातो.

पालक
हिवाळ्यात पालक सर्रास उपलब्ध होतो. पालकामध्ये मॅग्नेशियमचा उत्तम स्त्रोत आहे. यामुळे चयापचय, स्नायू आणि मज्जातंतूंच्या कार्यासाठी पालक खाणे आवश्यक आहे. हिरव्यागार आणि पौष्टिक पालकामुळे ह्रदयाचे आरोग्यही सुधारते. यामध्ये बीटा कॅरोटीन, अँण्टीऑक्सिडंट आणि भरपूर प्रमाणात जीवनसत्त्व सी असते.

दही
रोगप्रतिकारशक्ती वाढण्यासाठी आणि चयापचय क्रिया सुधारण्यासाठी आहारात दह्याचा समावेश करावा. दह्यात साखर घालूनही खाऊ शकता. बाजारात प्रक्रिया केलेले फ्लेवर्ड दही विकत मिळते. असे दही खाणे शक्यतो टाळा. जीवनसत्त्वे आणि खनिजांनी दही समृद्ध आहे. दह्यात असलेल्या लॅक्टोबॅसिलसमुळे शरीरातील आजार निर्माण करणाऱ्या घटकांना आळा बसतो.

मध
हिंदुस्थानी घरांमध्ये मधाचा वापर केला जातो. मधात अँण्ट-इफ्लेमेटरी आणि अँण्टीबॅक्टेरियल गुणधर्म असतात. घशाचा संसर्ग आणि ब्रोन्कियल अस्थमा यासारख्या आजारांमध्ये मध गुणकारी ठरते.

पपई
पपई जीवनसत्त्व 'सी'ने समृद्ध आहे. सहज उपलब्ध होणाऱ्या फळांमध्ये पपईचा समावेश होतो. पपईमध्ये एंझाइम असते ज्यामुळे पोटातील जळजळ कमी होऊन लाल रक्तपेशी वाढायला मदत होते.

Click Here To See More