IPL: दुबई स्टेडियमवर रंगलेल्या अटीतटीच्या सामन्यात दिल्लीनं चेन्नईचा ३ गडी राखून पराभव केला
NewsZenn
Oct 4, 2021
742
0
दुबईच्या मैदानावर रंगलेल्या अटीतटीच्या सामन्यात दिल्ली कॅपिटल्सने चेन्नई सुपर किंग्जचा ३ गडी राखून पराभव केला आणि गुणतालिकेत अग्रस्थानी झेप घेतली. नाणफेक जिंकलेल्या दिल्लीच्या गोलंदाजांनी भेदक गोलंदाजीचा नजराणा पेश करत चेन्नईला २० षटकात ५ बाद १३६ धावांवर रोखले. चेन्नईचे स्टार फलंदाज अपयशी ठरल्यानंतर अंबाती रायुडू आणि महेंद्रसिंह धोनी यांनी अर्धशतकी भागीदारी उभारली. रायुडूने नाबाद अर्धशतक ठोकले. प्रत्युत्तरात खेळणाऱ्या दिल्लीने शंभर धावांच्या आत आपले सहा फलंदाज गमावले. त्यानंतर मोक्याच्या क्षणी चेन्नईने स्फोटक फलंदाज शिमरोन हेटमायरला जीवदान दिले आणि दिल्लीने हा सामना आपल्या नावावर केला. दिल्लीकडून १८ धावांत २ बळी घेणाऱ्या अक्षर पटेलला सामनावीर पुरस्काराने गौरवण्यात आले. चेन्नईविरुद्धच्या विजयासह दिल्लीच्या खात्यात आता २० गुण झाले आहेत.
Comments (0)
Facebook Comments (0)