छत्रपती शिवाजी महाराजांच्या पुतळ्याचे प्रधानमंत्री नरेंद्र मोदी यांच्या हस्ते अनावरण

NewsZenn Mar 6, 2022 644 0

छत्रपती शिवाजी महाराजांच्या सिंहासनाधिष्ठित पुतळ्याचे अनावरण प्रधानमंत्री नरेंद्र मोदी यांच्या हस्ते आज पुणे महानगरपालिका येथे करण्यात आले. या पुतळ्याची उंची सुमारे ९.५ फूट इतकी आहे.

यावेळी प्रधानमंत्री नरेंद्र मोदी यांनी छत्रपती शिवाजी महाराज यांच्या पुतळ्यास पुष्पहार अर्पण करून अभिवादन केले. त्यानंतर महापौर मुरलीधर मोहोळ यांनी प्रधानमंत्री मोदी यांचे छत्रपती शिवाजी महाराजांची प्रतिमा देऊन स्वागत केले.

यावेळी राज्यपाल भगत सिंह कोश्यारी, उपमुख्यमंत्री अजित पवार, केंद्रीय सामाजिक न्याय राज्यमंत्री रामदास आठवले, उद्योग मंत्री सुभाष देसाई, नगर विकास मंत्री एकनाथ शिंदे, विधानसभेचे विरोधी पक्षनेते देवेंद्र फडणवीस खासदार छ्त्रपती उदयनराजे भोसले, महापौर मुरलीधर मोहोळ, पुणे महापालिकेचे आयुक्त विक्रमकुमार यांच्यासह अन्य मान्यवर उपस्थित होते.

प्रारंभी प्रधानमंत्री नरेंद्र मोदी यांनी थोर समाजसुधारक महात्मा जोतिराव फुले यांच्या पुर्णाकृती पुतळ्यास पुष्प अर्पण करून अभिवादन केले.

कोथरूड येथील संस्कृती प्रतिष्ठानने छत्रपती शिवाजी महाराजांचा सिंहासनाधिष्ट पुतळा महापालिकेला दिला आहे. यावेळी महापौर मुरलीधर मोहोळ यांनी शाल व विशेष तयार करून घेतलेला फेटा घालून तसेच शिवप्रतिमा देऊन मोदी यांचे स्वागत केले.

दरम्यान 1961 ला पानशेत पुराच्यावेळी पाहणी करण्यासाठी तत्कालीन पंतप्रधान पंडित जवाहरलाल नेहरु (Pandit Jawaharlal Nehru) पुणे महापालिकेत (PMC) आले होते. त्यानंतर महापालिकेत आलेले मोदी हे दुसरेच पंतप्रधान ठरल्याने महापालिकेच्या दृष्टीने हा ऐतिहासिक क्षण ठरला आहे.

क्षणचित्रे
महापालिका भवन येथे आल्यानंतर सर्वप्रथम पंतप्रधान नरेंद्र मोदी यांनी महात्मा ज्योतिबा फुले यांच्या पुतळ्याला पुष्प वाहून अभिवादन केले.
यानंतर छत्रपत्री शिवाजी महाराजांच्या पुतळ्याचे रिमोट कंट्रोलद्वारे अनावरण केले. छत्रपतींना नमन केले.
महापौर मुरलीधर मोहोळ यांनी शाल, पगडी आणि शिवप्रतिमा देऊन पंतप्रधान नरेंद्र मोदी यांचे स्वागत केले.
कार्यक्रमाला उपस्थित नगरसेवक, नगरसेविका आणि अधिकाऱ्यांना अभिवादन केले.

दरम्यान, पंतप्रधान नरेंद्र मोदी यांच्या हस्ते पुणे मेट्रोचं देखील उद्घाटन झालं आहे.
इतर विकास कामांचे देखील मोदींच्या हस्ते उद्घाटन होणार आहे.
यावेळी भाजपचे प्रदेशाध्यक्ष चंद्रकांत पाटील, पुण्याचे खासदार गिरीश बापट पुणे भाजप शहराध्यक्ष जगदीश मुळीक, प्रकाश जावडेकर (P, आमदार माधुरी मिसाळ, आमदार सुनिल कांबळे, भाजपचे राजेश पांडे (BJP Rajesh Pandey) यांच्यासह पुण्यातील भाजप आमदार आणि इतर पदाधिकारी उपस्थित होते.

Click Here To See More