व्हेस्पा लवकरच बाजारपेठेत आणणार ‘हे’ चार नवीन व्हेरियंट

NewsZenn Oct 12, 2022 521 0

आपल्या व्हेस्पा स्कूटरसाठी लोकप्रिय असलेली कंपनी भारतात पुन्हा आगमनासाठी सज्ज झाली आहे. १९८०-९० च्या दशकात सर्वाधिक लोकप्रिय असलेल्या व्हेस्पा स्कुटरला कंपनी नव्या अवतारात आणणार आहे. स्टैंडर्ड जीटीएस, जीटीएस सुपर, जीटीएस सुपरस्पोर्ट, जीटीएस सुपरटेक वेस्पा या चार स्कूटर नव्या व्हेरियंटसह बाजारात दाखल होणार आहेत.

या कंपनीचे स्कूटर १९९० च्या दशकात खूप लोकप्रिय झाले. कंपनी पुन्हा भारतात पदार्पण करणार आहे. या चार नव्या स्कुटरला कंपनी २०२३ मध्ये सादर करणार आहे. परिणामी व्हेस्पाच्या या स्कुटरला बाजारात मागणी येण्याची शक्यता आहे. अशात कंपनी लवकरच स्कुटरसाठी बुकिंग प्रोसेस सुरू करणार आहे.

व्हेस्पा जीटीएस सुपर, जीटीएस सुपरस्पोर्ट आणि जीटीएस सुपरटेक कीलेस स्टार्ट/स्टॉप तसेच रिमोट सीट ओपनिंग फंक्शनने सुसज्ज आहेत. त्यांना बाइक फाइंडर वैशिष्ट्य देखील मिळते जे रिमोट की फोब वापरून गर्दीच्या पार्किंगमध्ये स्कूटर शोधण्यात मदत करते. GTS सुपरस्पोर्ट आणि GTS सुपरटेक या दोन्ही मॉडेल्सना Vespa MIS अॅपद्वारे स्मार्टफोन कनेक्टिव्हिटी देखील मिळते. व्हेस्पाला स्पर्धेत टिकण्यासाठी आधुनिक साहित्य वापरण्यात आले आहे. ४.३ इंचचा फुल कलर टीएफटी डिस्प्ले, ३ इंचचा एनालाॅग एलसीडी डिस्प्ले देण्यात आला आहे. ही स्कूटर १४ वेगवेगळ्या रंगांमध्ये उपलब्ध होणार आहे.

इंजिन
जीटीएस व्हेस्पा स्कूटर ग्राहकांना दोन इंजिनचा पर्याय देत आहे. नविन तंत्रज्ञानाचा वापर करून एक १२५ आई-जीटी इंजिन आणि दुसरे ३०० एचपीई इंजिन आहे. दोन्ही इंजिनमध्ये विविध गोष्टींचा प्रामुख्याने समावेश करण्यात आला आहे. सिंगल सिलेंडर युनिट, लिक्विड कूल्ड अशा गोष्टींचा समावेश आहे. कंपनीच्या मते, या गाडीला बसवण्यात आलेले इंजिन हे आत्तापर्यंतचे सर्वाधिक सक्षम इंजिन आहेत.

डिझाईन
नवीन डिझाईन करताना देखील व्हेस्पाने आपली स्वतंत्र ओळख जपण्याचे काम केल्याचे देखील कंपनीकडून सांगण्यात आले आहे. फीचर आणि डिझाईन करताना ग्राहकांच्या पसंतीस उतरण्याचे सर्व मानक गाडी पूर्ण करत असल्याचे देखील कंपनीने सांगितले आहे. मिरर, मड गार्ड, फ्रंट एप्रन या गाडीची खास वैशिष्ट्ये आहेत.

Click Here To See More