झूम कॉलवरुन ९०० कर्मचाऱ्यांना बेरोजगार करणारे विशाल गर्ग अडचणीत ?

NewsZenn Dec 11, 2021 696 0

गेल्या काही दिवसांपासून Better.com कंपनी चर्चेत आहे. कंपनीचे सीईओ विशाल गर्ग यांनी ३ मिनिटांच्या झूम कॉलदरम्यान कंपनीतील ९०० कर्मचाऱ्यांना कामावरुन काढून टाकलं होतं. यानंतर विशाल गर्ग यांनी माफी मागितली होती. परंतु माफी मागितल्यानंतरही विशाल गर्ग यांना तात्काळ सक्तीच्या रजेवर पाठवण्यात आलं आहे.

विशाल गर्ग यांना तात्काळ सुट्टीवर पाठवले जात आहे, अशी माहिती अमेरिकेच्या डिजिटल मॉर्टगेज कंपनीच्या बोर्डाच्या ई-मेलचा हवाला देऊन समोर आली आहे. रॉयटर्स या वृत्तसंस्थेनं दिलेल्या माहितीनुसार, “व्हाइसने ई-मेलमध्ये सांगितले की, विशाल गर्गच्या जागी मुख्य वित्तीय अधिकारी केविन रायन कंपनीचे दैनंदिन निर्णय घेतील आणि संचालक मंडळाला अहवाल देतील.”

या आठवड्याच्या सुरुवातीला गर्गने झूम कॉलद्वारे ९०० लोकांना कामावरून काढून टाकले होते. हा आकडा कंपनीमधील एकूण कर्मचारी संख्येच्या नऊ टक्के आहे. विशाल गर्ग यांनी कर्मचाऱ्यांशी संवाद साधल्याचा व्हिडीओही सोशल मीडियावर व्हायरल झाला होता. मात्र यानंतर विशाल गर्ग यांना टीकेचा सामना करावा लागला होता. अशा पद्धतीने कर्मचाऱ्यांना कामावरुन काढून टाकल्याने अनेकांनी नाराजी व्यक्त केली होती. दरम्यान, यानंतर विशाल गर्ग यांनी माफी मागितली होती.

Click Here To See More