उडान नारीशक्ती रन: महिलांच्या उत्साहाला नवा जोम

NewsZenn Jan 5, 2025 356 0

पुणे (5 जानेवारी): महिलांच्या आरोग्य व सशक्तीकरणासाठी आयोजित "उडान नारीशक्ती रन" आज सकाळी बाणेर येथील स्वातंत्र्यवीर सावरकर उद्यान, ताम्हाणे चौक येथे उत्साहपूर्ण वातावरणात यशस्वीपणे पार पडला.

या उपक्रमात चौदा हजार सहाशे महिलांनी विक्रमी सहभाग नोंदवला. विशेष म्हणजे 81 वर्षांच्या आजींनी व सात महिन्यांच्या गर्भवती महिलेने देखील या रनमध्ये भाग घेऊन उपस्थितांचे लक्ष वेधले. महिलांच्या एकत्रित सहभागाने हा उपक्रम प्रेरणादायी ठरला.

कार्यक्रमाचे उद्घाटन उच्चतंत्र शिक्षण मंत्री मा. श्री. चंद्रकांत दादा पाटील यांच्या हस्ते झाले. यावेळी खासदार सौ. सुनेत्रा पवार, आमदार श्री. शंकर भाऊ मांडेकर, राष्ट्रवादी महिला काँग्रेसच्या प्रदेशाध्यक्ष मा. रूपालीताई चाकणकर आणि सिने अभिनेत्री श्रुती मराठे या प्रमुख पाहुण्यांनी कार्यक्रमाची शोभा वाढवली.

पूनम विशाल विधाते आणि त्यांच्या टीमच्या अथक परिश्रमामुळे हा उपक्रम यशस्वी झाला. मान्यवरांनी उपक्रमाचे कौतुक करत महिलांच्या आनंदमयी सहभागाला भरभरून दाद दिली. हा उपक्रम महिलांच्या सशक्तीकरणासाठी नवी दिशा देणारा ठरला असून आरोग्याविषयी जागरूकतेला प्रोत्साहन देणारा ठरला आहे.