Junnar Crime | पुणे हादरलं! आमदाराच्या गावात 10 वर्षांच्या चिमुकलीला अत्याचारानंतर निर्घृणपणे संपवलं

NewsZenn Aug 19, 2026 55 0

पुण्यात पुन्हा धक्कादायक घटना घडली आहे. पुण्यातील जुन्नर तालुक्यात माणुसकीला काळिमा फासणारी घटना उघडकीस आली आहे. एका आमदाराच्या गावात 10 वर्षीय चिमुकलीचा अत्याचार करून हत्या केल्याची खळबळजनक घटना घडली आहे. या घटनेने जुन्नर हादरलं आहे. या संतापजनक घटनेने संपूर्ण गाव पेटून उठलं आहे. काही दिवसांपूर्वी नसरापूरमध्येही अशीच क्रूर घटना घडली होती.

मिळालेल्या माहितीनुसार, घराशेजारी राहणाऱ्या तरुणाने ओळखीचा गैरफायदा घेत मुलीला शेतात नेल्याचं पोलिस तपासात समोर आलं आहे. या संशयिताला पोलिसांनी ताब्यात घेतलं आहे. अवघ्या 10 वर्षांच्या चिमुकलीच्या हत्येने नातेवाईकांसह ग्रामस्थांमध्ये संतापाची लाट उसळली आहे. आरोपीला फाशीची शिक्षा देण्याची मागणी केली जात आहे.

जुन्नरच्या आमदारांच्या गावातच चिमुकली राहायला होती. अवघ्या १० वर्षीय मुलीवर घराशेजारी राहणाऱ्या तरुणाची वाईट नजर पडली. त्याने या ओळखीचा गैरफायदा घेत शेतात नेलं. त्यानंतर चिमुकलीवर अत्याचार करून तिची हत्या केली. आरोपीचं कृत्य पोलिस तपासात निष्पन्न झालं आहे. संशयिताला पोलिसांनी ताब्यात घेतलं आहे. घटनेने नातेवाईक आणि ग्रामस्थ संतप्त झाले असून आरोपीवर कठोरात कठोर कारवाईची मागणी होत आहे.

संतापजनक घटनेनंतर पुणे जिल्ह्याचे पोलीस अधीक्षकांनी घटनास्थळी धाव घेतली. घटनास्थळी पोहोचून तातडीने सर्व यंत्रणा कामाला लावल्या आहेत. या प्रकरणाने जुन्नरमधील पिंपळवाडी परिसरात संतापाचं वातावरण तापलं आहे. आता या प्रकरणाचा जलदगतीने तपास करून पीडित मुलीला न्याय द्यावा, अशी मागमी ग्रामस्थांनी केली आहे. जुन्नरचे आमदार शरद सोनवणे यांच्या गावातच संताजपनक प्रकार घडला आहे.

तत्पूर्वी, काही महिन्यांपूर्वी पुण्यातील भोर तालुक्याच्या नसरापूर येथील साडेतीन वर्षांच्या चिमुकलीवर अत्याचार घडल्याने खळबळ उडाली होती. काही महिन्यांपूर्वी आरोपी भीमराव कांबळे याने चिमुकलीची अत्याचार करून हत्या केली होती. त्याने 1 मे 2026 रोजी हा गुन्हा केला होता. त्याच्या कृत्य सीसीटीव्ही कॅमेऱ्यात कैद झालं होतं. त्यानंतर पुणे विशेष न्यायालयाने आरोपी भीमराव कांबळेला दोषी ठरवलं. त्याला कोर्टाने फाशीची शिक्षा सुनावली. नसरापूरनंतर आता जुन्नरमध्येही क्रर घटना घडली आहे.