गृहमंत्री दिलीप वळसे पाटील यांना कोरोनाची लागण

NewsZenn Oct 28, 2021 824 0

महाराष्ट्र राज्याचे गृहमंत्री दिलीप वळसे पाटील यांना कोरोनाची लागण झाली आहे. यासंदर्भात पाटील यांनी स्व:ता ट्विट करून माहिती दिली आहे. करोना सदृश्य लक्षणे दिसून आल्यावर त्यांनी कोरोना चाचणी करून घेतली त्यामध्ये त्यांचा कोरोना रिपोर्ट पॉझिटिव्ह आला आहे. त्यांची प्रकृती स्थिर असून ते डॉक्टरांच्या सल्ल्यानुसार वैद्यकीय उपचार घेत आहेत.

वळसे पाटील यांनी अलिकडेच नागपूर व अमरावतीचा दौरा केला आहे. त्यामुळे त्यांनी या दौऱ्यादरम्यान संपर्कात आलेल्या सर्वांना कोरोना चाचणी करून घेण्याचे आवाहन केले आहे.

वळसे पाडील यांनी आपल्या ट्वीटरवरून माहिती देताना सांगितले की, कोरोना सदृश्य लक्षणे दिसत असल्याने मी माझी टेस्ट केली असून माझा कोरोना रिपोर्ट पॉझिटिव्ह आला आहे. प्रकृती स्थिर असून डॉक्टरांच्या सल्ल्यानुसार वैद्यकीय उपचार सुरू केले आहे.

नागपूर व अमरावती दौऱ्यादरम्यान तसेच इतर कार्यक्रमाप्रसंगी माझ्या संपर्कात आलेल्या सर्वांना माझे आवाहन आहे की, त्यांना लक्षणे आढळून आल्यास कोरोना टेस्ट करून घ्यावी. शक्यतो गर्दीच्या ठिकाणी जाणे टाळावे व कोरोना नियमांचे काटेकोर पालन करावे.

Click Here To See More