ओमिक्रॉन मुळे मृत्यूचा धोका किती ?

NewsZenn Dec 8, 2021 703 0

ओमिक्रॉन व्हेरिएंटच्या फैलावामुळे जगभरातील देशांची चिंता वाढली आहे. ओमिक्रॉनचा झपाट्याने प्रसार होत असताना ओमिक्रॉन व्हेरिएंट किती घातक आहे? ओमिक्रॉनमुळे मृत्यूचा धोका किती?

असे प्रश्न आता उपस्थित केले जात आहेत.
दक्षिण आफ्रिकेतून ओमिक्रॉनच्या प्रसाराला सुरूवात झाली. द.आफ्रिकेतील इन्फेक्शिअस डिसीज डॉ. फरीद अब्दुल्लाह यांनी ओमिक्रॉन व्हेरिएंटचा अभ्यास केला आहे. ओमिक्रॉनची लक्षणे आणि सध्याची परिस्थिती याबद्दल त्यांनी बारकाईने अभ्यास केला आहे.

ओमिक्रॉनमुळे रूग्णालयात दाखल झालेल्या रूग्णांना पूर्वीप्रमाणे ऑक्सिजनची गरज भासली नाही. द.आफ्रिकेत मागील दोन आठवड्यात फक्त दोन जणांनाच अतिदक्षता विभागात ठेवण्याची गरज भासली असल्याचंही डॉक्टरांच्या अहवालातून समोर आलं आहे.

बहुतांश रूग्णांना ओमिक्रॉन व्हेरिएंटची लागण झाली आहे पण गेल्या २ आठवड्यांत एकही रूग्णाचा मृत्यू झाला नसल्याचंही समोर आलं आहे. येत्या २ आठवड्यात बऱ्याच गोष्टी स्पष्ट होतील आणि भविष्यात परिस्थिती कशी असेल ते ही स्पष्ट होईल,असं डॉ. अब्दुल्लाह यांनी स्पष्ट केलं आहे.

Click Here To See More