ब्रेकिंग | पुण्यात १४ दिवसांची जमावबंदी लागू – पोलिसांचा मोठा निर्णय!

NewsZenn May 25, 2026 11 0

पुणे : शहरातून एक मोठी आणि धक्कादायक घडामोड समोर आली आहे. कायदा व सुव्यवस्था राखण्यासाठी पुणे पोलिसांनी उद्या रात्रीपासून पुढील १४ दिवसांसाठी जमावबंदी लागू करण्याचा मोठा निर्णय घेतला आहे. या निर्णयामुळे शहरात कोणत्याही प्रकारे ग्रुपने फिरण्यावर निर्बंध येणार आहेत.

का घेतला निर्णय?
देशात आणि राज्यात पेट्रोल-डिझेल दरवाढ आणि इंधन तुटवड्यामुळे जनतेत तीव्र असंतोष निर्माण झाला आहे. पुण्यात विविध राजकीय पक्ष आणि संघटनांकडून मोठ्या प्रमाणावर आंदोलने, मोर्चे आणि निदर्शने सुरू आहेत. त्यामुळे परिस्थिती चिघळू नये म्हणून पोलिसांनी हा प्रतिबंधात्मक निर्णय घेतला आहे.

काय राहणार बंद?

मोर्चे, आंदोलने, निदर्शने पूर्णपणे बंद
जाहीर सभा घेण्यास मनाई
भडकाऊ घोषणाबाजी आणि भाषणांवर बंदी
शस्त्रे, लाठ्या, दगड, तलवारी, स्फोटक पदार्थ बाळगण्यास सक्त मनाई

उल्लंघन केल्यास थेट कारवाई
जमावबंदीचे आदेश मोडणाऱ्यांवर कडक कायदेशीर कारवाई करण्यात येणार असून, पोलिसांकडून तत्काळ अटक किंवा वस्तू जप्त करण्याची कारवाई होऊ शकते.

कायदा काय सांगतो?
जमावबंदीचा आदेश साधारणतः १४ ते १५ दिवसांसाठी लागू राहतो. त्यानंतर परिस्थिती पाहून तो वाढवण्यासाठी राज्य सरकारची मंजुरी आवश्यक असते. पोलिसांचे आवाहन पुणेकरांनी अफवांवर विश्वास ठेवू नये, शांतता राखावी आणि प्रशासनाला सहकार्य करावे, असे आवाहन करण्यात आले आहे.