उत्सव नारीशक्तीचा… संस्कृतीच्या जतनाचा! मंगळागौर स्पर्धेचे तिसरे पर्व उत्साहात संपन्न

NewsZenn Aug 24, 2026 7 0

पुणे : महाराष्ट्राची समृद्ध लोकपरंपरा, संस्कृती आणि महिलांच्या कलागुणांना व्यासपीठ मिळवून देण्यासाठी वामा वुमन्स क्लबच्या अध्यक्षा सौ. पूनम विशाल विधाते यांच्या माध्यमातून आयोजित करण्यात आलेल्या भव्य ‘मंगळागौर स्पर्धा २०२६’चे तिसरे पर्व माऊली गार्डन, बाणेर येथे उत्साहपूर्ण आणि मंगलमय वातावरणात दिमाखात पार पडले.

श्रावण महिन्याच्या मंगलमय वातावरणात पुणे शहरातील विविध भागांमधून आलेल्या माता-भगिनींनी पारंपरिक मंगळागौर खेळ, नृत्य, फुगड्या, विविध सांस्कृतिक सादरीकरणे आणि उत्स्फूर्त सहभागातून कार्यक्रमाची रंगत वाढवली. महिलांनी आपल्या कलागुणांचे सुंदर सादरीकरण करत उपस्थितांची मने जिंकली.

आपली संस्कृती, परंपरा आणि सण-उत्सव जपण्यासोबतच ही समृद्ध परंपरा पुढील पिढीपर्यंत पोहोचवणे, हा या मंगळागौर स्पर्धेचा मुख्य उद्देश असल्याचे वामा वुमन्स क्लबच्या अध्यक्षा सौ. पूनम विशाल विधाते यांनी सांगितले.

मंगळागौर स्पर्धेच्या तिसऱ्या पर्वाला पुणे शहरातील विविध भागांतील महिला भगिनींचा उत्स्फूर्त प्रतिसाद मिळाला. महिलांच्या कला, उत्साह, सर्जनशीलता आणि एकजुटीचा हा सोहळा अविस्मरणीय ठरला.

???? मंगळागौर स्पर्धेतील विजेते ग्रुप

???? प्रथम पारितोषिक – सुवासिनी ग्रुप, बालेवाडी
???? द्वितीय पारितोषिक – बेलियर क्वीन, महाळुंगे
???? तृतीय पारितोषिक – नथीचा नखरा, जांभुळवाडी
???? चतुर्थ पारितोषिक – आदिशक्ती मंगळागौर ग्रुप, लोहगाव
???? पंचम पारितोषिक – नक्षत्र ग्रुप, हडपसर

सर्व विजेत्या तसेच स्पर्धेत सहभागी झालेल्या महिला भगिनींचे सौ. पूनम विशाल विधाते आणि वामा वुमन्स क्लबच्या वतीने मनःपूर्वक अभिनंदन करण्यात आले.

महिलांच्या सक्षमीकरणासाठी, त्यांच्या कलागुणांना व्यासपीठ उपलब्ध करून देण्यासाठी तसेच सामाजिक आणि सांस्कृतिक क्षेत्रात महिलांचा सहभाग वाढवण्यासाठी वामा वुमन्स क्लबच्या माध्यमातून भविष्यातही विविध नाविन्यपूर्ण उपक्रम आणि कार्यक्रमांचे आयोजन करण्यात येणार असल्याचे सौ. पूनम विशाल विधाते यांनी यावेळी सांगितले.

“मंगळागौर म्हणजे केवळ खेळ आणि नृत्य नाही, तर आपल्या संस्कृतीशी आणि परंपरेशी जोडणारा सुंदर सेतू आहे. या माध्यमातून महिलांनी एकत्र यावे, आनंद घ्यावा आणि आपल्या पुढील पिढीला आपल्या परंपरांची ओळख करून द्यावी, हाच या उपक्रमामागील उद्देश आहे,” असे सौ. पूनम विशाल विधाते यांनी सांगितले.

उत्सव नारीशक्तीचा…संस्कृतीच्या जतनाचा…आणि आनंदाच्या सोहळ्याचा!

– सौ. पूनम विशाल विधाते
अध्यक्षा, वामा वुमन्स क्लब