भोसरीत साकारली शिवरायांची ४० फुटी रांगोळी

NewsZenn Feb 19, 2022 1290 0

मोडी गर्ल 'श्रुती गावडे' यांची छत्रपती शिवरायांना मानवंदना

छत्रपती शिवाजी महाराजांच्या जन्मदिनाची राज्यभरातील शिवभक्त आतुरतेने वाट पाहत आहेत. छत्रपती शिवाजी महाराज यांच्या जयंतीच्या पूर्वसंध्येला चिंचवड मधील मोडी गर्ल श्रुती गणेश गावडे या तरुणीने एका वेगळ्या प्रकारे महाराजांना अभिवादन केलं आहे. भोसरी येथील आंबेडकर मैदान येथे मोडी लिपीत एक लाख अकरा हजार एकशे अकरा वेळा 'जय शिवराय' असे लिहीत ४० फुटी रांगोळीच्या सहाय्याने छत्रपती शिवाजी महाराजांचे चित्र रेखाटले आहे.

भारतात प्रथमतः शिवरायांची प्रतिकृती तेही मोडी लिपी मध्ये साकरण्यात आली आहे. दरम्यान महाराजांची ही नयनरम्य आणि भव्य रांगोळी पाहण्यासाठी परिसरातील शिवप्रेमी या ठिकाणी हजेरी लावत आहेत.

या कलाकृती साठी श्रुतीला सुमारे २२० किलो रांगोळी लागली आहे. इतक्या प्रचंड रांगोळीतून तिने साकारलेली ही भव्य प्रतिमाही तितकीच भव्य आहे. विशेष म्हणजे ४८ तास या रांगोळीवर काम करत असून अपार मेहनतीनंतर ही रांगोळी पूर्ण केली आहे. हि कलाकृती साकारण्यासाठी पिंपरी चिंचवड राष्ट्रवादी काँग्रेस पक्षाचे नवनिर्वाचित शहराध्यक्ष श्री.अजितदादा गव्हाणे व शिवराय प्रोडक्शन यांचेही सहकार्य लाभले.

Click Here To See More