काजोलने अजयला दिली होती ‘ही’ धमकी

NewsZenn Apr 3, 2022 699 0

अफेअर्स आणि लिंकअपच्या अफवा बॉलिवूड चाहत्यांसाठी नवीन नाहीत. बऱ्याचवेळा या अफवा ऐकल्यानंतर चाहत्यांना धक्का बसतो. या सगळ्यात शाहरुख खान-गौरी खान, अजय देवगण- काजोल आणि रितेश देशमुख-जिनिलिया देशमुख यांच्या जोडी तर अनेकांसाठी आदर्श आहेत. पण प्रत्येक जोडीमध्ये कधी ना कधी वाद होतातच.

अजय देवगण आणि काजोल यांची जोडी तर लोकप्रिय जोड्यांपैकी एक आहे. परंतु एक वेळ अशी होती जेव्हा त्यांच्यात सुद्धा वाद सुरु होते. काही मीडिया रिपोर्ट्सनुसार, अजय देवगण कंगना रणौतसोबतच्या त्याच्या वाढत्या जवळीकांमुळे चर्चेत आला होता. अजय कंगनासोबत ‘वन्स अपॉन ए टाईम इन मुंबई’चे शूटिंग करत असताना ते दोघे जवळ आले होते. यामुळे त्याच्या वैवाहिक जीवनात अडचणी निर्माण झाल्या होत्या.

तर, जेव्हा काजोलला याबद्दल कळले आणि तिने अजयला सोडून जाण्याची धमकी दिली असे म्हटले जाते. त्यानंतर एका मुलाखतीदरम्यान अजयने विवाहबाह्य संबंधांबद्दल वक्तव्य केलं होतं. ‘न्यूज18’ ने दिलेल्या वृत्तानुसार, अजय म्हणाला, “मी असे म्हणत नाही की विवाहबाह्य संबंध होतं नाहीत, परंतु कधीकधी मीडिया दोन लोकांना एकत्र पाहिल्यानंतर चुकीचा अर्थ लावतं. मी माझे नाव कोणाशीही जोडू देत नाही. मला माझे काम आवडते आणि मी सरळ घरी येतो.”

अजय आणि काजोलच्या लग्नाला आता २३ वर्षे झाली आहेत. तर आज अजयचा ५३ वा वाढदिवस आहे. या दोघांना न्यासा आणि युग आहे.

Click Here To See More