१० वी, १२ वीच्या विद्यार्थ्यांना समुपदेशन

NewsZenn Feb 15, 2023 1647 0

दहावी-बारावीच्या मुलांना परिक्षांचा ताण येणे साहजिक आहे. यातून काही विद्यार्थी टोकाचे पाऊल देखील उचलतात. यावर राज्य मंडळानेच (Pune News) उपाय काढला असून दहावी आणि बारावीच्या परीक्षांदरम्यान विद्यार्थ्यांसाठी समुपदेशन सुविधा उपलब्ध करून देण्यात आली आहे. त्यानुसार सकाळी आठ ते रात्री आठ या वेळेत नि:शुल्क समुपदेशन मिळणार आहे.

राज्य मंडळाच्या सचिव अनुराधा ओक यांनी प्रसिद्धिपत्रकाद्वारे ही माहिती दिली. 21 फेब्रुवारी ते 21 मार्च या कालावधीत बारावीची, तर 2 ते 25 मार्च या कालावधीत दहावीची परीक्षा होणार आहे. परीक्षेच्या का‌ळात विद्यार्थी नकारात्मक विचाराने किंवा परीक्षेच्या भीतीने मानसिक तणावाखाली असतात. अशा विद्यार्थ्यांना नैराश्यातून बाहेर काढण्यासाठी राज्य मंडळाने ऑनलाइन समुपदेशनासाठी समुपदेशकांची नियुक्ती केली आहे.

यासाठी विद्यार्थ्यांना 7387400970, 8308755241, 9834951752, 8421150528, 9404682716, 9373546299,8999923229, 9321315928, 7387647902, 8767753069 या मोबाइल क्रमांकाद्वारे सकाळी आठ ते रात्री आठ या वेळेत निःशुल्क समुपदेशन करण्यात येईल.

मात्र विद्यार्थी, पालक (Pune News) यांनी परीक्षा केंद्र, बैठक व्यवस्था आणि प्रश्नपत्रिकेबाबत समुपदेशकांना विचारणा करू नये, असे या पत्रकात स्पष्ट करण्यात आले आहे.

Click Here To See More