स्मार्ट सिटी व MNGL व्यवस्थापनात समन्वयाचा अभाव नागरिकांच्या जिवावर बेतू शकतो- शामभाऊ जगताप

NewsZenn Dec 23, 2021 701 0

पिंपळे गुरव येथील रामकृष्ण मंगल कार्यालय येथे महापालिकेच्यावतीने स्मार्ट सिटीअंतर्गत विविध सेवावाहिन्या टाकण्याचे काम सुरू आहे. परंतु ठेकेदार काम करीत असताना भूमिगत गॅस लाइनचा अंदाज न घेता काम करीत असल्याने, सातत्याने नवी सांगवी, पिंपळे गुरव येथे गॅसगळती होऊन लहान-मोठ्या आगीच्या घटना घडत आहेत. स्मार्टसिटीच्या विकास आणि ठेकेदाराच्या मनमानी कारभाराला नागरिक नाहक बळी ठरत आहेत.

स्मार्ट सिटी अंतर्गत खोदकाम काम करताना ठेकेदार कुठल्याही प्रकारची काळजी न घेता, भूमिगत असलेल्या गॅस लाइनची कुठलेही माहिती न घेता जेसीबी च्या साह्याने खोदकाम करीत असल्याने, अशा प्रकारच्या घटना वारंवार येथील परिसरात घडत आहे. अशा घटना या पूर्वी अनेक वेळा घडल्या आहेत. तरी देखील महापालिका प्रशासन, स्मार्ट सिटी व त्याचे ठेकेदार काळजी घेताना दिसून येत नाही. एखादा मोठा अपघात झाल्यावरच यांचे डोळे उघडणार का? असा रोष नागरिकांनमधून होत आहे.

पिंपळे गुरव येथील मयूरीनगरी मध्ये गॅसगळतीमुळे चारचाकी तीन वाहने जळून खाक झाली होती. सुदैवाने त्यामध्ये कुठलीही जीवित हानी झाली नव्हती

स्मार्ट सिटीच्या सुरू असलेल्या कामांमुळे अनेकदा एम.एन.जी.एल. गॅस पाइपलाइन फुटून दुर्घटना घडल्या आहेत. आजही पिंपळे गुरव येथील रामकृष्ण मंगल कार्यालय चौकात जेसीबीच्या साहाय्याने खोदकाम सुरू असताना गॅस पाइपलाइन फुटली. त्वरित एम.एन.जी.एल.ला कळवून होणारा गॅसपुरवठा बंद करायला सांगितला, त्यामुळे पुढील दुर्घटना टळली. स्मार्ट सिटीने एम.एन.जी.एल.ला पूर्वसूचना देऊन कामाला सुरुवात करावी, जेणेकरून गॅस पाइपलाइन फुटून होणारी दुर्घटना टाळता येईल.' - शाम जगताप, कार्याध्यक्ष, राष्ट्रवादी युवक काँग्रेस

Click Here To See More