ऑर्डनन्स फॅक्टरी मजदुर युनियनच्या वतीने भव्य कामगार मेळाव्याचे आयोजन

NewsZenn Jul 11, 2023 1130 0

ऑर्डनन्स फॅक्टरी मजदुर युनियन (इंटक) च्या वतीने मंगळवार दि.११ जुलै २०२३ रोजी भव्य कामगार मेळाव्याचे आयोजन करण्यात होते.

सदर मेळाव्यास प्रमुख उपस्थिती म्हणून सौ.पूजा मनीष आनंद (माजी.नगरसेवक खडकी कॅन्टोन्मेंट बोर्ड) ,INDWF चे जॉईंट सेक्रेटरी प्रकाश फुगे, माजी.जॉईंट सेक्रेटरी सुभाष वाघमोडे यांचे मार्गदर्शन लाभले.

मेळाव्यास मार्गदर्शन करताना पूजा मनीष आनंद म्हणाल्या "की सरकारने ऑर्डनन्स फॅक्टरीचे निगमीकरण करून संरक्षण क्षेत्रातील कामगारांवर मोठा अन्याय केला आहे. सरकारी उद्योगांचे खाजगीकरण, ठेकेदारी तसेच कंत्राटी पद्धत तसेच कामगार कायद्यांमधील बदल यामुळे कामगारांचे मोठे नुकसान झाले आहे. व त्यामुळे कामगारांच्या पाठीमागे आम्ही भक्कमपणे उभे आहोत व प्रत्येक लढ्यामध्ये कामगारांची साथ देऊ."

ॲम्यूनिशन फॅक्टरी मजदुर युनियन इंटक संघटनेचे अध्यक्ष सुनील भालेकर यांनी स्वागत पर भाषण केले.त्याच प्रमाणे संघटनेचे जेसीएम मेंबर वैभव वारके यांनी संघटनेने आजपर्यंत कामगारांसाठी केलेल्या कार्याचा आलेख कामगारांसमोर मांडला.

इंटकच्या या कामगार मेळाव्यास ॲम्यूनिशन फॅक्टरी तसेच अतिस्फोटक फॅक्टरी व डेपो मधील हजारो कामगारांनी हजेरी लावली. या कार्यक्रमाचे आभार प्रदर्शन संघटनेचे सचिव मा.शफिकभाई शेख यांनी केले.

मेळाव्याचे सूत्र संचालन उपाध्यक्ष विश्वास काशीद यांनी केले. मेळाव्याची सांगता श्री संजय गायकवाड यांच्या सलोनी एंटरटेनमेंट या मनोरंजन पर कार्यक्रमाने झाली.

या कामगार मेळाव्यास यशस्वी करण्यासाठी ॲम्यूनिशन फॅक्टरी मजदूर युनियन चे सर्व पदाधिकारी व कार्यकर्ते व सभासद यांनी महत्त्वाची भूमिका पार पाडली.

Click Here To See More