सिंहगडावर तोबा गर्दी

NewsZenn Dec 14, 2020 942 0

सोशल डिस्टंसिन्गचा फज्जा

पुणे : शनिवार रविवारच्या सुट्टीचे औचित्य साधून पुणेकरांनी सिंहगडावर गर्दी केली. पर्यटनाला सरकारनं परवानगी दिली असली तरी पर्यटनासाठी जाताना काही नियमांच पालन तर आपण सर्वानी करायलाच हवं. रविवार दुपार नंतर पुणेकर गाड्यांमधून फिरण्यासाठी बाहेर पडल्याने खडकवासला व सिंहगड परिसरात वाहतूक कोंडी झाली होती. कोरोना काळात सर्वात मोठा फटका पुणे शहराला बसला. दिवाळी नंतर कोरोना रुग्णांच्या संख्येत वाढ झाली असल्याने काळजी घेणे गरजेचे आहे. ९ /१०महिने घरी बसून नागरिक आता त्रस्त झाले आहेत. अर्थव्यवस्था पुन्हा रुळावर आणण्यासाठी बाहेर पडणे गरजेचे असले तरी काही आरोग्यविषयक नियमांचे पालन तर सर्वानीच करायला हवे. पर्यटन स्थळ बरेच दिवसांपासून बंद असलेल्या छोट्या व्यावसायिकांचा धंदा आता रुळावर यायला सुरवात झाली आहे. पण पुणेकरांनो त्यांच्या बरोबरच स्वतःच्या जीवाची काळजी घेत, नियमांचं पालन करत पर्यटनाचा आनंद घेतला तर कोरोनाच सावट लवकरच दूर होईल.