लडकी हू लढती रहूंगी

NewsZenn Feb 4, 2022 801 0

लडकी हू लढती रहूंगी अशी घोषणा देत, येत्या महानगरपालिका निवडणूकीत काँग्रेस पक्षाचे जास्तीजास्त उमेदवार निवडून येण्यासाठी दिवस-रात्र काम करून काँग्रेसचे गतवैभव पुन्हा मिळवुन देण्याचा संकल्प करण्याचे आवाहन पुणे शहर महिला काँग्रेसच्या नवनियुक्त शहराध्यक्षा पुजा आनंद यांनी केले.

महापालिका निवडणुकीच्या पार्श्वभूमिवर प्रभाग रचना जाहिर झाल्यानंतर, काँग्रेस भवन येथे आयोजित महिला मेळावा, हळदी कुंकु आणि तिळगुळ समारंभात त्या बोलत होत्या.

यावेळी शहर काँग्रेसचे अध्यक्ष रमेश बागवे, उल्हास पवार, मोहन जोशी, अभय छाजेड, बाळासाहेब शिवरकर, आबा बागुल, महिला काँग्रेसच्या दिप्ती चवधरी, रजनी त्रिभूवन, कमल व्यवहारे, निता रजपूत, सोनाली मारणे, वैशाली मराठे, शैलजा खेडेकर, आदी उपस्थित होते.

आपापसातील हेवे-दावे बाजुला ठेऊन, काँग्रेस पक्ष बळकट करत, भारतीय जनता पक्षाचा पराभव करून काँग्रेसचे पुर्वीचे वैभव पुन्हा प्राप्त करण्यासाठी सर्व आजी -माजी महीला पदाधिकारी, कार्यकर्त्यानी पुर्ण ताकद लावुन काम करण्याचा निर्धार यावेळी करण्यात आला.

पुजा आनंद यांचा शहराध्यक्षपद स्विकारल्यानंतर काँग्रेस भवन मधील हा पहिलाच कार्यक्रम होता. यावेळी पुणे शहरातील सर्व प्रभागातील महिला पदाधिकारी उपस्थित होते.

Click Here To See More