रायगडाचा डिस्कोथेक बनवलाय ; संभाजीराजांची तीव्र नाराजी

NewsZenn Feb 18, 2021 815 0

यंदा शिवजयंतीवर कोरोनाचे सावट असल्याने शिवभक्तांमध्ये नाराजीचे वातावरण आहे. शिवजयंतीचे औचित्य साधून रायगडावर विद्युत रोषणाई करण्यात आली आहे. पुरातत्व विभागाने केलेल्या या विद्युत रोषणाईवर कोल्हापूरचे युवराज संभाजीराजे छत्रपती यांनी निषेध दर्शविला आहे. रायगडावर करण्यात आलेली प्रकाशयोजना अत्यंत विचित्र असून ती महान वारसाचा अपमान करणारा आहे, अशा शब्दात त्यांनी नाराजी व्यक्त केली.

'भारतीय पुरातत्त्व विभागाच्या इतिहासात आजचा दिवस काळा दिवस म्हणून गणला जाईल.
त्यांचे अधिकारी महान ऐतिहासिक स्थळांच्या प्रती इतके असंवेदनशील झाले आहेत की, रंगबेरंगी प्रकाश योजना वापरुन हे पवित्र स्मारक डिस्कोथेक सारखे दिसत आहे. '