जेव्हा रशियन बाॅंम्ब सायकलस्वारावर आदळला

NewsZenn Feb 25, 2022 724 0

रशियाने युक्रेनविरोधात लष्करी कारवाईला सुरूवात केली असून या हल्ल्यात आतापर्यंत अनेक नाहक जीवांचा बळी गेला आहे. युक्रेनमध्ये अनेक जण बेघर झाले आहेत, तर पुरते जनजीवन विस्कळीत झाल्याचे वृत्त आहे. प्रत्येक दिवस युक्रेन नागरिक भीतीच्या सावटाखाली व्यतीत करत आहेत. दरम्यान या क्रुर हल्ल्याचे फोटोज, व्हिडिओज व्हायरल होत असताना एक व्हायरल व्हिडिओ मात्र काळजाचा ठाव घेतो आहे. या व्हिडीओमध्ये रस्त्यावरून जाणाऱ्या सायकलस्वारावर बाॅम्ब फुटल्याचे दिसत आहे.

युक्रेनमध्ये रशियाने तीनही बाजूने हल्ला चढवला, त्यामुळे लष्कराबरोबर सामान्य नागरिक सुद्धा या युद्धाच्या आगीत होरपळू लागला आहे. युक्रेनची राजधानी कीववर सुद्धा रशियन फौजांनी हल्ला चढवला आहे. या हल्ल्याचे फुटेज सोशल मिडियावर चांगलेच व्हायरल होऊ लागले आहे. दरम्यान अशाच एका हल्ल्याचा व्हिडिओ समोर आला आहे.

या व्हिडिओमध्ये एक सायकलस्वार रस्त्याने जात असताना त्याच्या अगदी जवळ बाॅंम्ब पडल्याचे दिसत आहे. अचानक कोसळलेल्या आगीच्या गोळ्याने सायकलस्वार गंभीर जखमी झाला. दरम्यान, या हल्ल्यात जखमी झालेल्या व्यक्तीचा जागीच मृत्यू झाल्याचे सांगण्यात येत आहे.

शुक्रवारी सकाळी राजधानी कीवमध्ये सहा स्फोट झाल्याचे वृत्त समोर आले असून क्रूझ आणि बॅलेस्टिक क्षेपणास्त्रांकडून हे हल्ले करण्यात आले आहे. रशियाच्या हल्ल्याला प्रतिसाद म्हणून युक्रेन सुद्धा जोरदार प्रतिकार करत आहे.

Click Here To See More