आयपीएस अधिकारी कृष्णप्रकाश यांची वर्ल्ड बूक ऑफ रेकॉर्ड मध्ये नोंद
NewsZenn
Jan 20, 2021
762
0
आयपीएस अधिकारी कृष्णप्रकाश यांची वर्ल्ड बूक ऑफ रेकॉर्ड मध्ये नोंद झाली आहे. आयर्न मॅन खिताब पटकावल्याप्रकरणी ही नोंद करण्यात आली आहे.
ही कामगिरी करणारे देशातील पहिले अधिकारी होण्याचा मान त्यांना मिळाला आहे. सरकारी कर्मचारी, सशस्त्र सेना, निमलष्करी दल, सनदी अधिकारी यांच्यातील वर्ल्ड बूक ऑफ रेकॉर्डमध्ये नोंद होणारे कृष्णप्रकाश हे पहिलेच अधिकारी ठरले आहेत. २०१७ मध्ये कृष्णप्रकाश यांनी Ironman Triathlon ही स्पर्धा जिंकली होती. स्पर्धकाला १६ ते १७ तासांमध्ये ही स्पर्धा पूर्ण करायची असते. यामध्ये सर्वप्रथम ३.८ किलोमीटर पोहणे, १८०.२ किलोमीटर सायकलिंग आणि ४२.२ किलोमीटर धावणे असे खडतर टप्पे असतात.फ्रान्समध्ये झालेल्या या स्पर्धेत २०१७ मध्ये विजेता होण्याचा मान कृष्णप्रकाश यांच्या नावावर झाला होता. पिंपरी चिंचवडचे पोलीस आयुक्त कृष्णप्रकाश यांनी बुधवारी सकाळी ट्विटरला आपली नोंद वर्ल्ड बूक ऑफ रेकॉर्ड्समध्ये झाल्याची माहिती दिली. या गौरवास्पद कामगिरीकरता लंडनचे सचिव अनुराग पाण्डेय व डॉ. प्रदीप मिश्रा यांच्या हस्ते कृष्णप्रकाश याना प्रमाणपत्र देण्यात आले. सर्वच स्तरातून त्यांच्यावर कौतुकाचा वर्षाव होत आहे.
Comments (0)
Facebook Comments (0)