यंदाची कोजागिरी घरीच !
NewsZenn
Oct 31, 2020
1001
0
सोशल मीडियाच्या माध्यमातून शुभेच्छा
पिंपरी चिंचवड : कोजागिरी पौर्णिमा म्हंटल तर चंद्राचं साजिरं रुप, टपोरं चांदणं आणि सोबत खमंग मेनू, मसाला दुध आणि आपली माणसं. गेल्यावर्षीपर्यंत या सर्व उत्साहात कोजागिरी साजरी केली जात होती. खरंतर उद्यानांमध्ये नातेवाईकांसोबत गप्पा मारण्यासाठी कोजागिरीचं चांगलं निमित्त असतं. शहरात दरवर्षी कोजागिरीला उद्याने रात्री बारा वाजेपर्यंत खुली असतात पण, यंदाच्या वर्षी सर्वच सणांवर कोरोनाचं सावट असल्याने धार्मिक स्थळ व उद्याने बंद आहेत.त्यामुळे सोशल डिस्टंसिन्ग राखत घरच्या घरीच कोजागिरी पार पडली. कोरोनामुळे आपल्या प्रियजनांना भेटून कोजागिरी साजरी झाली नसली तरी सोशल मीडिया च्या माध्यमातून सर्वांनी शुभेच्छा दिल्या. सोसायटीच्या टेरेस वर मोठी पार्टी न करता आपल्या घरीच चमचमीत जेवणाचा बेत करून मसाला दुधाचा आनंद घेतला.
Comments (0)
Facebook Comments (0)