सुयश आणि आयुषी अखेर लग्नबंधनात अडकले
NewsZenn
Oct 21, 2021
756
0
'का रे दुरावा', 'शुभमंगल ऑनलाईन' यासारख्या मालिकांमधून लोकप्रिय झालेला अभिनेता सुयश टिळकने आयुषी भावेच्या वाढदिवसादिवशी चाहत्यांना खुशखबर दिली आहे. आयुषी आणि सुयशच्या मेहंदी आणि हळदीचा कार्यक्रम २० ऑक्टोबरला पार पडला होता. त्यानंतर आता त्यांच्या लग्नाचे फोटो व्हायरल होत आहेत.
सुयशने त्याच्या गर्लफ्रेण्डसोबत आज २१ ऑक्टोबर रोजी लग्नगाठ बांधली आहे. मोजक्या पाहुण्यांच्या उपस्थितीत हा कार्यक्रम पार पडला आहे.
जुलै महिन्यात दोघांनी चाहत्यांना सुखद धक्का देत साखरपुडा केला होता. त्यावेळी देखील त्यांचे फोटो सोशल मीडियावर व्हायरल होत होते.
आयुषी इन्स्टाग्रामच्या माध्यमातून आपल्या चाहत्यांच्या संपर्कात असते. ती नेहमीच आपले फोटो आणि व्हिडीओ शेअर करत असते. अशात सुयशसोबतच आयुषीनेही हळदीचे फोटो शेअर केले आहेत.
आयुषी भावे ही २०१८ मध्ये महाराष्ट्राची श्रावणक्वीन किताबाची मानकरी ठरली होती.
Comments (0)
Facebook Comments (0)