पोस्ट ऑफीस कार्यान्वीत

NewsZenn Apr 1, 2022 1441 0

मोशीकरांची २० वर्षांपासूनची स्वतंत्र पोस्ट ऑफीसची मागणी माजी नगरसेविका सारिका बोऱ्हाडे यांच्या पाठपुराव्याने पूर्ण झाली आहे. पोस्ट ऑफीससाठी बोऱ्हाडे यांनी जागा उपलब्ध करुन दिली. या जागेत उभारलेल्या नवीन पोस्ट ऑफीसचे आज (मंगळवारी) उद्घाटन झाले. हे पोस्ट आफीस शहरीभागाला जोडल्यामुळे नागरिकांना अडचणी येणार नाही. मोशीकरांना आता ४११०७० हा नवीन पिनकोड असल्याचे बोऱ्हाडे यांनी सांगितले.

यावेळी आमदार महेश लांडगे, माजी नगरसेविका सारिका बोऱ्हाडे, निर्देशक डाक सेवा सिमरन कौर, पुणे शहर पूर्व विभाग प्रवर अधीक्षक डाकघर गोपराजू सतीश, चिंचवड सुपर टाक निरीक्षक सी. एम. नदाफ, पोस्ट मास्तर जनरल पुणे रिजन मधुमिता दास, जनसंपर्क निरीक्षक के एस पारखी, यांच्यासह स्थानिक नागरिक उपस्थित होते. मोशी परिसरात २० वर्षापासून आळंदी पोस्ट आफीस होते. ग्रामीण पीन कोड ४१२१०५ असल्यामुळे खूप अडचणी येत होत्या शिवाय पोस्टमनचीही कमतरता भासत होती.

प्रभागातील नागरिकांच्या टपाल येत नसस्याबाबतच्या तक्रारी माझ्याकडे वारंवार येत होत्या. त्यासाठी मी पुणे पोस्ट ऑफीस व चिंचवड पोस्ट आफीस मधील अधिकाऱ्यांशी वारंवार पोस्ट आफीससाठी पाठपुरावा केला. नागरिकांसाठी नविन पोस्ट ऑफीस झाल्याचे समाधन वाटते. प्रभागातील नागरिकांची अडचण दुर होणार आहे. पोस्ट ऑफीस शहरी भागाला जोडल्यामुळे नवीन पिन कोड ४११०७० हा मिळाला आहे. त्यामुळे नागरिकांना अडचणी येणार नाहीत, पोस्टमनची संख्याही वाढवणार आहे. नविन आधार केंद्र पोस्ट आफीसमध्ये चालू होणार आहे, अशा भावना माजी नगरसेविका सारिका बो-हाडे यांनी यावेळी व्यक्त केल्या.

Click Here To See More